مواقــف محرجة جدا من الأطفـال .... !!

تقول وحدة من الأمهات :
: ‏ذهبنا في زيارة لعمات زوجي‏، وحده منهم كبيرة في السن قلت لولدي : حب رأسها !!؟؟ فرفض ..!! وقال : ريحة رأسها شينه !!! - ‏يقصد الحناء <<< شوفوا الإحراج اللي صار لي ..!!!

‏وكما قالت أخرى : ‏جتني وحدة ‏من صديقاتي وكانت ملامحها تشبه دول شرق أسيا فجلست بنتي تطالعها بقوه، و لما قلت ‏لها : عيب !! ردت وقالت : شكلها شغالة !!

ووحده ‏تقول : ‏زوجي كان عنده ضيوف على العشاء وحطيت العشاء كله لهم وكان ولدي يبي ‏يتعشى قلت له : إذا خلصوا الرجال بنتعشى ..!! رحت أصلح لهم الشاهي ... راح ولدي دخل على ‏الضيوف وقال لهم : لا تخلصون العشاء لأنه بنتعشى أنا وأمي بعدكم !!! شوفوا وجه ‏أبوه وقتها ....!!!

وحده تقول : بنتها دايم ‏تحرجها بنقل الكلام قدام الناس – هذا عيب اللي يحش بالناس – تقول : مرة كنت أكلم ‏صديقتي بالهاتف وكنت أقولها عن وحدة من جاراتي وإني ما أطيقها دمها ثقيل وإذا جت ‏تجلس عندي بالساعات في بيتي وتحب الكلام الكثير .. ومرة من المرات دق الباب وطلعت جارتي قلت لها : ‏تفضلي. وجتها بنتي الصغيرة وقالت بصوت عالي : يمه هذي جارتنا اللي دمها ثقيل واللي ‏إنتي ما تحبينها !!! طيب ليش تدخلينها البيت ...؟؟!! تقول الأم : صار وجهي مية لون ..!!!! ‏ويوم سمعت جارتي هذا الكلام زعلت وطلعت من البيت ....!!!

وتقول أخرى : هذا موقف حصل لي ومع أقاربي : كنا ‏بنصلي المغرب جماعه في إحدى الاستراحات وكان أمامنا طفلين, الأول يقول للثاني : ‏أنا اسم أمي فاطمة, ايش اسم أمك انتا ؟؟؟؟ يرد عليه الولد الثاني وهو اصغر منه ‏بكثير : اسم أمي ماما !!! وهاتك ضحك وحنا نصلي استغـفـر الله ما قدرنا نمسك الضحكة !!!

جاء بيكحلها عماها .. ‏دعيت العائلة للعشاء عند أحد أقارب الزوج وأثناء تناول الطعام كانت صاحبة ‏المنزل تضـيّـف الأم وتصر عليها أن تأكل صحناً آخر بينما كانت تتمنع فرد الطفل ‏بلهفة لإنقاذ أمه من المأزق : لا تحطين لها صحن ثاني ترى بابا يقولها لا ‏تكثرين أكل انتفختي !!!

وأختم بهذي ..في المدرسة ...‏كانت المعلمة تشرح لطالبات الصف ‏الثالث الابتدائي عن وسائل الاتصال الحديثة مثل الهاتف والتلكس والبريد الجوي ‏والفاكس فرفعت إحدى الطالبات الصغيرات يدها وقالت : أبله حنا عندنا فاكس في البيت ‏عند جدتي وتستعمله كل يوم....!! فشجعتها المدرسة على إكمال حديثها وقالت : وكيف ‏تستخدمونه ؟؟؟ فقالت الطفلة : تدهن به (البنت قصيمية) ...- البنت بالطبع كانت تقصد دهون الفكس- ....!!!!!

منقول

_________________

من قدي انا استخدم لينكس

هههههههه مره ماشالله بريئين

مشكور على الموضوع 3shaq_a6air

هههههههه
مشكورة وماقصرتي